یار گؤزوندن سالسا منی
بیل کی باعث من اولموشام.
قوهوم قارداش آتسا منی
بیل کی باعث من اولموشام.
آیری دوشسم ائللریمدن
اوز گؤرمه سم گوللریمدن
جانا گلسم اللریمدن
بیل کی باعث من اولموشام.
بولبولم چیخماسا سسیم
یاردیم اولماسا بیر کسیم
یازا قالماسا نفسیم
بیل کی باعث من اولموشام.
دؤست آشنالار یاد اولسالار
سالام وئرسم آلماسالار
منی یادا سالماسالار
بیل کی باعث من اولموشام.
ناچار اولوب کوچسم ائلدن
کوچ دالیمدا کئچسم سئلدن
یؤرغون اولوب دوشسم دیلدن
بیل کی باعث من اولموشام.
فلک واراق آلت اوست چکسه
الیمی اوخویوب بیلسه
گنج عومرومو اوتوب گئتسه
بیل کی باعث من اولموشام.
(اومودام)گوناهیم یوخدور
دیلیم شمشیر سؤزوم اوخدور
دئسه لر تقصیریم چوخدور
بیل کی باعث من اولموشام.
نظرات شما عزیزان:
<-PollName->
آمار
وب سایت: